Йәйәүле рөхсәт ителмәгән урындан юл аша сығып барған. Уны “Лада Гранта” автомобиле бәрҙергән. Үҫмер йәрәхәтләнгән. Әле ул дауаханаға оҙатылған, тип хәбәр итәләр юл полицияһынан.
Өфөлә иһә водитель ҡатын руль артында йоҡлап киткән. Ул “Митсубиши Оутлендер” автомобилендә Сочи урамы йүнәлешендә хәрәкәт иткән. Ҡатын Ағиҙел йылғаһы буйындағы кәртәгә килеп төкөлгән. Уға медицина ярҙамы күрһәтелгән. Юл хәрәкәте хәүефһеҙлеге дәүләт инспекцияһынан белдереүҙәренсә, уҙған тәүлектә республика юлдарында 13 кеше имгәнгән.