Радий Хәбиров әйтеүенсә, ғүмерен Ҡораллы көстәрҙә хеҙмәт итеүгә бағышлаған кешенең беҙҙең комиссариатты етәкләүе бик яҡшы. Беҙҙең республика ҙур, халҡы әүҙем. Беҙҙә хәрби традициялар көслө, хәрби хеҙмәттең абруйы юғары. Был эште уңышлы дауам итеүегеҙгә ышанабыҙ, тине Радий Хәбиров. Михаил Блажевич рәхмәтен еткерҙе һәм яҡшыраҡ эшләргә тырышырбыҙ, тип белдерҙе. Башҡортостанда хәрби комиссар алмашынды. Был вазифаға 45 йәшлек Михаил Блажевич тәғәйенләнде. Ул әлегә тиклем Көньяҡ хәрби округта 67-се зенит-ракета бригадаһы командиры булған.