Республика Башлығы Радий Хәбиров бөгөн коронавирус инфекцияһын таратмау буйынса оператив штаб ултырышын үткәрҙе. Унда мәктәп каникулын 9 ноябргәсә оҙайтырға ҡарар ителде. Мәғариф, Һаулыҡ һаҡлау министрлыҡтары һәм Роспотребнадзор белгестәре ошондай башланғыс менән сыҡты. Быға тиклем мәктәп каникулы 4 ноябргә тиклем булғайны. Шулай итеп, уҡыусылар өс аҙна ял итәсәк.