Һаулыҡ һаҡлау министрлығынан хәбәр итеүҙәренсә, уҙған тәүлектә республикала коронавирус инфекцияһы диагнозы тағы ла 159 кешегә ҡуйылған. Пандемия башланған осорҙан республикала Ковид-19 вирусы йоҡтороусылар 17 419 кешегә етте.
Бөгөн стационарҙарҙа 832 кеше дауалана. 59 пациент ауыр хәлдә, уларҙың 14-е тын юлдарын яһалма елләтеү аппаратына тоташтырылған. Тағы ла 2750 кеше амбулатор шарттарҙа дауаланыу курсы үтә. Тәүлек эсендә яңы инфекциянан 3 кешенең ғүмере өҙөлгән, 4 кеше һауығып сыҡҡан.