“Бөрйәндә эшләнгән!”

Райондың Иҫке Мөсәт ауылынан 12 йәшлек Арсен Ҡолбирҙин трицикл йыйған. “Транспортҡа ултырып сыҡҡас, бөтә кеше аптыраны”, - ти 7-се класс уҡыусыһы.

“Арсен ғаиләбеҙҙең ғорурлығы. Оҫталығын киләсәктә лә юғалтмаһын ине”, - ти малайҙың әсәһе Нәркәс Ҡолбирҙина.

Арсен хыялы менән дә уртаҡлашты. Ул юлһыҙ урындан үтә алған техника йыйырға әҙерләнә. Малайҙың транспорт өлгөләре менән социаль селтәрҙә танышырға була.