Закон проекты : Башҡортостанда айнытҡыстар тергеҙелеүе ихтимал

Дәүләт Йыйылышы – Ҡоролтай рәйесе урынбаҫары Рөстәм Ишмөхәмәтов белдереүенсә, федераль закон ошондай мөмкинлек тыуҙыра. “Әммә айнытҡыстар кешеләрҙән аҡса һығыу урынына әйләнмәҫкә тейеш”, - ти вице-спикер.

Бөгөн ҡайһы бер төбәктәр айнытҡыстар тураһында закон проекты булдыра. “Беҙҙең парламенттың көн тәртибендә бындай мәсьәлә юҡ”, - ти Рөстәм Ишмөхәмәтов.

Йыл һайын илдә 50 мең кеше араҡы эсеп үлә. Уларҙың күп өлөшө хеҙмәт йәшендәгеләр. 8-10 мең кеше һыуыҡта туңып, һәләк була.