Ведомствонан белдереүҙәренсә, көслө һыуыҡтарға бәйле, дәрестәрҙе үткәрмәү тураһындағы ҡарарҙы һәр мәғариф учреждениеһы үҙаллы ҡабул итә. Федераль нормативтарға ярашлы, 1-4 синыф уҡыусыларына ауыл ерендә һауа температураһы - 23, ҡалала – 25 градус һыуыҡ булғанда мәктәпкә бармаҫҡа мөмкин. 5-9-сы синыфтарға ауылда – 25, ҡалала 27 градус һыуыҡ күрһәткәндә дәрес ҡалдырырға рөхсәт ителә.
Ауылда белем алыусы өлкән синыф уҡыусыларына – 30, ҡалалағы тиҫтерҙрәенә 32 градус һыуыҡта өйҙә ҡалырға мөмкин. Синоптиктар хәбәр хәбәр итеүенсә, бөгөн республикала һауа температураһыынң 30-33 градусҡа тиклем түбәнәйеүе көтөлә.
Иртәнге 10-сы яртыға алынған мәғлүмәттәргә ярашлы, Яңауыл һәм Ҡариҙел райондарында һауа торошо картаһы 32 градус һыуыҡ теркәгән. Республиканың көньяғында йылыраҡ – Аҡъяр метеостанцияһы 21 градус һыуыҡ күрһәтә.
Гөлдәриә Йосопова.