Был турала Республика башлығы Радий Хәбиров хәбәр итте. Уның һүҙҙәренсә, Башҡортостанда ошондай үҙәктәр селтәрен булдырырға кәрәк. "Уларҙа беҙҙең үҙенсәлекле тәбиғәт, экскурсиялар тураһында бөтә мәғлүмәттәр урынлаштырыла, шулай уҡ үҙебеҙҙә етештерелгән продукция тәҡдим ителә. Һәр туристың эргә-тирәлә йәшәүселәрҙән аҙыҡ-түлек һәм кәсепселек тауарҙары алыу мөмкинлеге булырға тейеш", тип яҙа Радий Хәбиров социаль селтәрҙә. Туристарҙы ҡабул итеү үҙәктәрендә шулай уҡ уҡыусылар өсөн лекциялар ойошторола.