Аэропорт-Магнитогорск юлында ике еңел машина бәрелешкән. Юл полицияһынан белдереүҙәренсә, “Вольво” автомобиле “Лада Веста” водителенә юл бирмәгән. Вольво хужаһы фажиғә урынында йән биргән. Икенсе автомобилдең пассажирҙары йәрәхәтләнгән. Юл хәрәкәте хәүефһеҙлеге дәүләт инспекцияһынан хәбәр итеүҙәренсә, уҙған аҙнала республика юлдарында 45 авария теркәлгән. 2 кеше үлгән, 55 кеше имгәнгән.