Ғафури районы Баҡраҡ ауылында торлаҡ йортта ут сыҡҡан. Ул һүндерелгәндән һуң өйҙә 1959 йылғы ирҙең кәүҙәһе табылған. Әле урында Ғәҙәттән тыш хәлдәр министрлығы хеҙмәткәрҙәре эшләй.
Быйыл республикала 1 мең ярым самаһы янғын теркәлгән. 78 кешенең, шул иҫәптән 3 баланың ғүмере өҙөлгән. 61 кеше йәрәхәтләнгән. Ҡотҡарыусылар яҙғы каникулдар осоронда өйҙә балаларҙы яңғыҙ ҡалдырмаҫҡа, электр йыһаздарының төҙөклөгөн даими тикшереп торорға кәңәш итә.