Өфө йүкәләре яңыра. Электр сымына тейгәндәре ҡырҡыла, ҡороғандары урынына яңыһы ултыртыла. Бөгөн күләмле сара Октябрь проспектында үтте. «Ҡаланы йәшелләндереү хужалығы» предприятиеһы хеҙмәткәрҙәре ағастарҙың тамырын быраулап алыу буйынса яңы технология үҙләштергән.
Ҡаланың йөҙөн билдәләгән ағастар ойошманың Кушнаренко районы питомнигынан килтерелгән. Санитар эш тамамланыу менән хеҙмәткәрҙәр ҡаланың урам-парктарына, аллеяларына сәскә ултыртыуға тотонасаҡ.