Һаулыҡ һаҡлау министрлығынан белдереүҙәренсә, 200 меңгә яҡын кеше прививканың беренсе һәм икенсе компонентын да эшләткән. Бөгөн дауахана һәм поликлиникалар көндөҙгө дүрткә тиклем вакцина яһатырға теләгәндәрҙе ҡабул итә. Иртәгенән медицина ойошмалары ғәҙәти тәртиптә эшләй. Табиптар әйтеүенсә, вакцина эшләтеү – коронавирус йоҡтормауҙың иң ышаныслы ысулы.