Урал аръяғы Агро предприятиеһы филиалы ҡарамағында 13 мең гектар ер. Ауыл эшсәндәре иген культуралары, көнбағыш һәм етен сәсә. Киләһе йыл хужалыҡ участкаһында заманса һуғарыу системаһы монтажлана башлай.
Агродинамика компаниялар төркөмөнөң был проекты быйыл яҙ Инвестиция сәғәтендә хупланғайны. Яңы комплекстар Баймаҡтан тыш, Хәйбулла һәм Әбйәлил райондары баҫыуҙарында ла барлыҡҡа киләсәк.
Мелиорация ярҙамында төбәктең ҡоролоҡҡа дусар өлөшөн уңдырышлыраҡ итеү планлаштырыла. Инвестициялар күләме дүрт миллиард һумдан ашыу, ике йөҙгә яҡын яңы эш урыны булдырыла. Республика етәксеһе проектҡа ентекле экспертиза яһарға ҡушып, халыҡты эсәр һыу менән тәьмин итеү мәсьәләһе өҫтөнөрәк булыуын билдәләне.
Гөлназ Хәйбуллина