Улар юғары уҡыу йорттарына барырға теләк белдермәй. Урта дөйөм белем тураһындағы аттестатты алыу өсөн ике фәндән – математика менән рус теленән генә һынау тота. Бөгөн һуңғыһы буйынса дәүләт сығарылыш имтиханы уҙғарылды.
Өфөнөң Октябрь районы белем усаҡтарынан 27 бала Мөхәмәт Исҡужин исемендәге 136-сы башҡорт лицейында ойошторолған имтихан пунктына йыйылды. Берҙәм дәүләт имтихандарындағы кеүек үк бында ла талаптар ҡәтғи, балалар металл тикшереү ҡоролмаһы аша үтте.
Мәғариф учреждениеһында санитар-эпидемиологик хәүефһеҙлек саралары ла күрелде. Контроль-тикшереү материалдарына килгәндә, уҡыусылар ике сәғәт ярым эсендә 24 һорауға яуап бирергә тейеш.
Гөлназ Хәйбуллина