Былтыр пандемия арҡаһында Өфө хоккейсылары Финляндияға күнекмәләргә бара алманы. Быйыл да ошондай сәбәп арҡаһында әҙерлек Рәсәйҙә үтә, тип хәбәр итәләр “Салауат Юлаев” хоккей клубынан. Уйынсылар йәйге ялдан 12 июлдә сыға. 30 июлдә Түбәнге Камала “Нефтехимик” менән иптәштәрсә уйын уҙғарыла. 10 августа Өфөлә Башҡортостан кубогына турнир башлана. Артабан юлаевсылар Ҡазанда Гагарин кубогын яулаусылар ярышында ҡатнаша һәм 28 августа Өфөлә Магнитогорскиҙан “Металлург” менән иптәштәрсә уйын үткәрә.