Был турала ил Президенты Владимир Путин белдерҙе. Дәүләт башлығы әйтеүенсә, кризисҡа ҡаршы программа ваҡытлыса ҡабул ителһә лә, уны ябырға иртәрәк.
Владимир Путин льготалы ипотека ставкаһын 7 процент, ә иң ҙур кредит суммаһын һәр төбәккә бер тиң – 3 миллион һум күләмендә билдәләргә тәҡдим иткән.
Иҫегеҙгә төшөрәбеҙ, яңы төҙөлгән торлаҡ алыу өсөн льготалы ипотека 6 ярым процент ставка менән бер йыл элек раҫланғайны. Башҡортостанда льготалы шарттарҙа кредитты 6 миллион һум күләмендә алырға мөмкин.
Гөлдәриә Йосопова