Башҡортостанда коронавирустан вакцина бөтәһенә лә етә

Беҙҙең республика 464 мең доза медицина препараты алды. “Бөгөн тағы 25 мең дана вакцина килтерелде”, - тине Һаулыҡ һаҡлау министры Максим Забелин.

          Рәсәйҙә сығарылған өс вакцина ла һөҙөмтәле. “Прививка эшләтеүҙән ҡурҡырға кәрәкмәй”, - тине Башҡортостандың баш санитар табибы Анна Казак.

          Республикала 178 урында коронавирустан вакциналау үтергә була. Яҡын арала район һәм ҡалаларҙа мобиль пункттар ойоштороу ҡарала. Бөгөн Башҡортостан юлдаш телевидениеһында коронавирус менән көрәш буйынса брифинг үтте. Тапшырыуҙың яҙмаһын БСТ-ның һәм “Юлдаш” радиоһының Бәйләнештәге социаль селтәрендә ҡарарға була.