Өфөлә был аҙнала күсмә вакциналау пункттары асыла

Бөгөн Хөкүмәттә үткән оператив кәңәшмәлә шулай тип белдерелде. Һаулыҡ һаҡлау министры урынбаҫары Гөлнара Зиннурова:

Халыҡта коллектив иммунитет булһын өсөн, вакцина яһатыу мөһим. Дәүләт Йыйылышы – Ҡоролтай рәйесе урынбаҫары Рөстәм Ишмөхәмәтов ошондай фекерҙә. “Ҡәтғи сикләүҙәр индереү республика һәм ил иҡтисадында сағылыш таба. Прививка алыуға етди ҡарайыҡ”, - ти ул.

Прививка пункттарының тулы исемлеген “Яндекс” картала табырға була. Вакцина алыуға “Дәүләт хеҙмәттәре” порталы, “Табипҡа” мобиль ҡушытмаһы, “Башҡортостан докторҙары” порталы аша, 112 телефоны һәм йәшәгән урынығыҙ буйынса поликлиника регистратураһында яҙылырға мөмкин. Ковидҡа бәйле һорауҙарға Ситуация үҙәге белгестәре яуап бирә. Бәйләнеш телефоны: 218-19-19. Шылтыратыуҙар көн һайын иртәнге сәғәт 8-ҙән киске 8-гә тиклем ҡабул ителә.