Был исемлеккә мобиль нөктәләр ҙә инә. Бөгөн Башҡортостанға 18 мең 900 дана препарат килтерелгән. Ул Өфө, Стәрлетамаҡ һәм Нефтекама медицина учреждениеларына бүленә. Коронавирустан вакцинаның сираттағы партияһы 25-26 июндә көтөлә. Киләһе аҙнала федераль үҙәк Башҡортостанға 100 мең дана вакцина оҙатырға ниәтләй. Прививка пункттарының исемлеге һәм эш тәртибе менән Һаулыҡ һаҡлау министрлығы сайтында танышырға була. Ведомстволағы Берҙәм шылтыратыуҙар үҙәге телефоны: 122.