Башҡортостанда сығарылыш уҡыусыларының яртыһы Өфө юғары уҡыу йорттарын һайлай

Мәғариф һәм фән министры Айбулат Хажин шул турала белдерҙе. “Илдә һәләтле һәм белемле абитуриенттар артынан “һунар” бара. Шуға республика юғары уҡыу йорттары ятып ҡалмаҫҡа тейеш”, - тине Айбулат Хажин.

Башҡортостанда мәктәп уҡыусылары өсөн “Аврора” һәләттәрҙе үҫтереү үҙәге булдырылды. Уның филиалдары район һәм ҡалаларҙа ла асыла. Уҡытыусылар онлайн дәрестәр ҙә алып бара. “Йәйге каникул осоронда ла һәләтле балалар өсөн курстар ойошторола”, - ти “Аврора” үҙәге етәксеһе Айҙар Сәйғәфәров.