Өфөләге предприятиеларҙың береһендә дәүләт субсидияһы ярҙамында яңы эш урындары булдырылған.
Наталья Соколова эшләгән ойошманың республика буйынса 13 магазины бар. Быға тиклем уларҙың ваҡытында асылыуын һәм бикләнеүен күҙәтеүсе булмай. Һөҙөмтәлә предприятие финанс юғалтыуҙар кисерә. Мәшғүллек үҙәге аша субсидиялау программаһы ярҙамында эшкә урынлашыу мөмкинлеге тыуғас, ҡатын көсөн һынап ҡарарға була.
Үлән төнәтмәләре һәм сәй етештереүсе компанияла һаулыҡ мөмкинлеге сикләнгән өс хеҙмәткәр эшләй. Киләсәктә фасовкалау, даталарҙы беркетеү кеүек эш өсөн тағы ла эш урындарын булдырыу ҡаралған. 21 йыл дарыу үләндәрен әҙерләү өлкәһендә эшләгән Леонид Наумов эш сәфәре барышында аварияға эләгә. Инвалид булып ҡалған ир хәҙер шылтыратыуҙарға яуап бирә, социаль селтәрҙәр аша консультация үткәрә.
Әлфинә Килдейәрова