Саҡмағош районында такси водителен үлтереп, кәүҙәһен канауға йәшереп китеүҙәре тураһында хәбәр иткәйнек. Аяуһыҙ пассажирҙар енәйәтте алдан планлаштырған. Такси водителен таларға, ә машинаһын ҡыуып алып китергә ниәтләгәндәр.
Енәйәттә ғәйепләнеүселәрҙең эҙенә полиция хеҙмәткәрҙәре Дүртөйлө районында төштө. Такси водителенең ғүмерен ҡыйған ир быға тиклем кеше үлтереүгә янау, урлашыу , ә уның иптәше урлашыу статьяһы буйынса хөкөмгә тарттырылған булған.
Суд бөгөн ҡанһыҙ пассажирҙарҙың береһен 2 айға рәшәткә артына оҙатты. Такси водителен үлтереүҙә төп ғәйепләнеүсе әлегә реанимацияла, уға ҡарата суд ҡарары һуңғараҡ билдәле буласаҡ.
Рафиҡ Әхмәтшин