Республикала үткән тәүлектә коронавирустан 8 кеше вафат булған. Пандемия башланғандан алып, үлеүселәр һаны 822-гә етте. Башҡортостан Һаулыҡ һаҡлау министрлығынан хәбәр итеүҙәренсә, бер тәүлек эсендә сирлеләр исемлегенә 260 кеше өҫтәлгән. Стационарҙа 700-гә яҡын пациент дауалана. Уларҙың күбеһе 60 йәштән өлкәндәр. 46 кеше ауыр хәлдә, 4 пациент үпкәне яһалма елләтеү аппаратына тоташтырылған. Башҡортостанда вакцинаның беренсе компонентын алыусылар 1 миллионға яҡынлаша. 753 мең самаһы кеше прививканың ике компонентын да яһатҡан.