Мәсетле районы Оло Ыҡтамаҡ ауылынан Дамир Хажиев күперҙең таушалыуына зарланып, социаль селтәрҙә хәбәр ҡалдырған.
"Йәйәүлеләргәһәм водителдәргә иғтибарлы йөрөргә кәңәш итәм. Күпер урамындағы күперҙә тәүлек әйләнәһе хәрәкәт тынмай. Хәҙер ул ныҡ иҫкерҙе, емерелер хәлгә етте".
Дамир Хажиев әйтеүенсә, күпер бынан 25-30 йыл элек ремонтланған.
Хат "Инцидент-менеждмент" системаһында теркәлгән.
"2021 йылдың 28 июлендә күперҙе төҙөкләндереү тамамланды”, - тип белдергән Мәсетле районы хакимиәте башлығы урынбаҫары Азамат Ҡәләмов.
Республика менән идара итеү үҙәге министрлыҡ түгел, тармаҡтар менән идара итмәй, аҡса бүлмәй. Ул координация үҙәге һәм Башҡортостанда йәшәүселәрҙең көнүҙәк мәсьәләләрен хәл итеүҙә ярҙам күрһәтә.
#Инцидент #ЦУР #Башкортостан
Фото: Мәсетле районы хакимиәте.