Уҙған тәүлектә мәкерле сирҙән 10 кеше вафат булған. Пандемия башланғандан алып, үлем осраҡтары 885-кә етте. Әле республика дауаханаларында 698 пацент дауалана. Уларҙың күбеһе 60 йәштән өлкәндәр. Һаулыҡ һаҡлау министрлығынан белдереүҙәренсә, 61 кеше ауыр хәлдә, 8 кеше тын юлдарын яһалма елләтеү аппаратына тоташтырылған. Һуңғы тәүлектә коронавирустың 286 яңы осрағы асыҡланған. Республикала халыҡты вакциналау дауам итә. Прививканың беренсе компонентын 1 миллион 39 меңдән ашыу кеше яһатҡан. Был Башҡортостанға бүленгән вакцинаның 87 проценты. Коронавирусҡа ҡаршы вакциналауҙы 824 мең 361 кеше үткән. Һуңғы тәүлектә 24 мең яҡташыбыҙ прививка ҡаҙатҡан.