Был турала Башҡортостан Хөкүмәтендә уҙған түңәрәк өҫтәлдә белдерелде.
Фекер алышыу Республиканың Ғаилә, хеҙмәт һәм социаль яҡлау министры Ленара Иванова рәйеслегендә уҙҙы. Һөйләшеүҙә урындағы белгестәр ҙә, сит төбәктәрҙән килгән эксперттар ҙа ҡатнашты. Башҡортостанда 2003 йылдан алып йәшәү урын булмаған граждандарға социаль ярҙам күрһәтеү буйынса махсуслашҡан үҙәк эшләй.
Учреждение хеҙмәткәрҙәре эшкә урынлаштырыу, пенсия, инвалидлыҡ юллау, социаль хеҙмәтләндереү йорттарына урынлаштырыу кеүек проблемаларҙы хәл итеүҙә булышлыҡ күрһәтә. Үҙәккә йыл һайын 700-ҙән 1 меңгә тиклем кеше ярҙам һорап мөрәжәғәт итә. Белгестәр фекеренсә, әле өҫтәлмә ярҙам алымдарын ҡарау мотлаҡ. Ошо маҡсатта башҡа төбәктәрҙең дә уңышлы эш ысулдары үҙләштерелә.
Рәмзиә Кәримова