Һаулыҡ һаҡлау министрлығынан хәбәр итеүҙәренсә, бер тәүлек эсендә 11 кешенең ғүмере өҙөлгән. Пандемия башланғандан алып, 952 кеше үлгән. Үткән тәүлектә 291 кешелә сир табылған. Республика дауаханаларында 779 пациент дауалана. Уларҙың күбеһе өлкән йәштәгеләр. Табиптар 80 кешенең хәле ауыр булыуы хаҡында белдерә. Уҙған тәүлектә вакцина алыусылар исемлегенә 22 мең 733 кеше өҫтәлгән.