Талҡаҫ күле буйында ҡаты көнкүреш ҡалдыҡтары өсөн 22 контейнер ҡуйылды. Баймаҡ халҡы социаль селтәрҙә күл буйында ял итеүселәрҙең күпләп сүп-сар ҡалдырып китеүенә зарланған. Был мөрәжәғәт район хакимиәте менән берлектә тикшерелгән. Һөҙөмтәлә, халыҡ фекерен иҫәпкә алып, яр буйында контейнерҙар урынлаштырыла. Йәй дауамында Республика менән идара итеү үҙәгенә йылға-күлдәрҙе бысратыуға зарланған 112 мөрәжәғәт килгән.
“Инцидент-менеджмент” системаһы – Башҡортостанда күптән түгел эшләй башлаған Республика менән идара итеү үҙәгенең бер өлөшө. Ул халыҡты борсоған көнүҙәк мәсьәләләрҙе хәл итеүҙә ярҙамлаша.