10 сентябрҙә Сибайҙа “Урал аръяғы” инвестиция форумы башлана. Уның барышында стратегик һәм фекер алышыу сессиялары, түңәрәк өҫтәлдәр ойошторола. Экология, сәнәғәт, ауыл хужалығы һәм эске туризм темалары буйынса һөйләшеү уҙғарыла. Эшлекле программаны милли аш-һыу ризыҡтары конкурсы, ҡымыҙ фестивале, шулай уҡ милли костюм байрамы тулыландыра. Башҡортостан Башлығы Радий Хәбировтың указы буйынса, 2020 йылдан алып, сентябрҙең икенсе, апрелдең өсөнсө йомаһында милли кейем көнө билдәләнә.