Төп приз өсөн Өфөнөң «Ағиҙел» һәм Ҡытайҙың «КРС Ванке Рэйз» командалары көрәшә. Иҫегеҙгә төшөрәбеҙ, пандемияны иҫкәртеү маҡсатында уҙған миҙгелдең финал серияһы билдәһеҙ ваҡытҡа кисектерелеп торғайны.
Сериялағы беренсе уйын яҡташтарыбыҙ файҙаһына 5-2 иҫәбе менән тамамланды. Киләһе осрашыу 10 сентябрҙә Мәскәү өлкәһенең Мытищи ҡалаһында үтә. Финал ике еңеүгә тиклем дауам итә.
Гөлдәриә Йосопова