Уҙған тәүлектә ковидтан 16 кешенең ғүмере өҙөлгән. Пандемия башланғандан алып, үлгәндәр һаны 1 мең 249-ға етте. Әле стационарҙа - 673, өй шарттарында 4 мең 700-ҙән ашыу ауырыу дауалана. Табиптар белдереүенсә, реанимацияла ятыусылар араһында вакцина яһатҡандар юҡ. Һуңғы тәүлектә 300 кешелә коронавирус инфекцияһы раҫланған. Коллевтив иммунитет булдырыу, вирустың таралыуын туҡтатыу өсөн Башҡортостанда халыҡтың 80 процентына прививка яһау мөһим.