1 сентябрҙә коронавирустан вакцина яһатҡан граждандарҙы дәртләндереү программаһы старт алды. 1 декабргә тиклем ике тапҡыр аҡсалата приз уйнатыла. Беренсе тираж 14 сентябрҙә ойошторола.
Рәсәй Хөкүмәте ҡарары буйынса, 1 мең кеше еңеүсе була. Уларҙың һәр ҡайһыһына 100 мең һум түләнә. Уйында 18 йәштән өлкәндәр ҡатнаша. Улар Рәсәйҙә теркәлгән вакцинаның тулы курсын үтергә тейеш. Иммунизацияның лотереяны ойошторғанға тиклем тамамланыуы шарт.
Дәүләт хеҙмәттәре порталында кешегә бирелгән QR(КЮ АР )-коды булырға тейеш. Тап ул лотерея билеты булып иҫәпләнә. Еңеүселәрҙең исемлеге бонусзаздоровье.рф сайтында донъя күрә.
Рафиҡ Әхмәтшин