Өс көнлөк тауыш биреүҙәр тураһындағы ғәмәлдәге закон һайлау һөҙөмтәләре буйынса баһалана. Ул һайлауҙар тураһында ҡанунды артабан камиллаштырыу буйынса тәҡдимдәр нигеҙенә алына. Был турала Дәүләт Йыйылышы-Ҡоролтай рәйесе Константин Толкачев белдерҙе. Уның һүҙҙәренсә, өс көнлөк тауыш биреү республикала тәүгә уҙғарыла. Был формат, пандемияға бәйле, уҙған йыл тәҡдим ителгәйне.