Республикала коронавирус йоҡтороусылар арта. Һаулыҡ һаҡлау министрлығынан хәбәр итеүҙәренсә, үткән тәүлектә Башҡортостанда 319 кешелә сир раҫланған, 16 кеше вафат булған. Әле 6 мең 47 сирле өй шарттарында, 634-те стационарҙа дауалана. Табиптар 40 пациенттың ауыр хәлдә булыуы тураһында белдерә, 11 кеше яһалма һулыш алдырыу аппаратына тоташтырылған. Медицина хеҙмәткәрҙәре әйтеүенсә, ауырыуҙарҙың күбеһе 60 йәштән өлкәндәр. Республикала халыҡты вакциналау дауам итә. Бер тәүлек эсендә прививка яһатыусылар 8 мең 100-гә артҡан. Башҡортостанда вакцинаның ике компоненты ла 1 миллион 144 меңгә яҡын кешегә эшләнгән.