Үткән тәүлектә 420 кешелә “ковид-19” диагнозы раҫланған, 21 кеше вафат булған. Шулай уҡ ҡаты сирлеләр күбәйгән. Һаулыҡ һаҡлау министрлығынан хәбәр итеүҙәренсә, стационарҙа 730 пациент дауалана. 41 кеше ауыр хәлдә, 13 сирле үпкәне яһалма елләтеү аппаратына тоташтырылған. Пневмония осраҡтары ла арта. Бер тәүлектә 180 кешегә ошондай диагноз ҡуйылған. Коронавирустан вакцинаның беренсе компоненты 1 миллион 282 меңдән ашыу кешегә яһалған. 1 миллион 176 мең самаһы кеше иммунизацияны тамамлаған.