Эске эштәр министрлығы ҡарамағындағы ОМОН хеҙмәткәрҙәре бөгөн һөнәри байрамын билдәләй. Айырым тәғәйенләнештәге мобиль отряд ил эсендә тыныслыҡ тәьмин итә, террорға ҡаршы операцияларҙа ҡатнаша. Радий Хәбиров Өфөлә махсус берләшмәләр хәрбиҙәрен ҡотланы. Башҡортостан Башлығы Махсус тәғәйенештәге мобиль отряд – ОМОН-дың 33 йыллығы һәм Ашығыс махсус отряд – СОБР-ҙың 29 йыллығына арналған тантанала ҡатнашты. Радий Хәбиров хәрбиҙәрҙе байрам менән ҡотланы һәм дәүләт наградалары тапшырҙы.