Республикала коронавирус ҡорбандары арта. Һаулыҡ һаҡлау министрлығынан хәбәр итеүҙәренсә, үткән тәүлектә 30 кеше вафат булған. Пандемия башланғандан алып, үлеүселәр һаны 1 мең 790-ға етте. Уларҙың күбеһе 60 йәштән өлкәндәр. Бер тәүлек эсендә вирус йоҡтороусылар исемлегенә 576 кеше өҫтәлгән. Әле стационарҙа 879 пациент дауалана. 37 сирленең хәле ауыр тип баһалана, 18 кеше үпкәне яһалма елләтеү аппаратына тоташтырылған. Өфө районы Зубов ауылында урынлашҡан ковид-госпиталдең баш табибы Азат Мөхәмәтйәнов белдереүенсә, коронавирустан вакцина яһатҡан кешеләр ҙә стационарға эләгә. Әммә улар араһында үлем осраҡтары юҡ.
На этой странице есть скрипты, которые не могут быть загружены в AMP-режиме.
Перейти на сайт