Тамашасыларға «Кисер мине, әсәй!» тигән моңһоу комедия тәҡдим ителде.
На этой странице есть скрипты, которые не могут быть загружены в AMP-режиме.
Перейти на сайт«Кисер мине, әсәй!» спектакленең ҡуйыусы режиссеры ошоға тиклем Салауат театрында актер булып эшләгән Радик Ғәлиуллин, шуға күрә лә ул ижади коллектив менән яҡшы таныш. Ролдәрҙе башҡарыусылар ҙа уңышлы һайланған. Был спектакль ғаилә менән ҡарау өсөн тәғәйенләнгән моңһоу комедия, ваҡыты менән килеп сыҡҡан мәрәкәле хәлдәр ғәҙәти булмаған сюжетты еңелерәк ҡабул итергә ярҙам итә.
Спектаклдә мәңгелек проблемалар – атайҙар һәм балалар, ташланған сабыйҙар темаһы күтәрелә. Пьеса 20-се быуатта яҙылһа ла, бөгөнгө көндә лә бик актуаль. Салауат театры был спектаклде икенсе тапҡыр сәхнәләштерә.
Был спектакль яңы миҙгелдә берҙән-бер премьера түгел. Ноябрҙә «Берҙәм Рәсәй»ҙең «Бәләкәй ҡалалар театры» проекты буйынса Алексей Житковскийҙың «Тау» әҫәренә ҡуйылған спектакль күҙаллана. Шулай уҡ театр үҙенең бәләкәй дуҫтары өсөн дә төрлө тамашалар әҙерләй.
Театр миҙгеленә килгәндә, спектаклдең премьераһына коронавирусҡа ҡаршы прививка тураһында сертификат йәки һуңғы алты ай эсендә сирҙе үткәреү тураһында белешмәһе булған тамашасылар ғына инә алды. Һәм, әлбиттә, битлек режимын һаҡлау шарты ҡуйыла. Йәштәр өсөн дә яҡшы яңылыҡ бар. Салауат театрының спектаклдәренә «Пушкин картаһы» менән инергә була.
Рәмзиә Кәримова