Республикала коронавирус йоҡтороусылар 80 меңдән ашты. Пандемия башланғандан алып, 80 мең 144 кешегә “ковид-19” диагнозы ҡуйылған. Һаулыҡ һаҡлау министрлығанан хәбәр итеүҙәренсә, үткән тәүлектә 669 кешелә хәүефле инфекция раҫланған, 36 кешенең ғүмере өҙөлгән. Стационарҙа ятҡан 1 меңгә яҡын пациенттың 59-ы ауыр хәлдә. Табиптар әйтеүенсә, 10 кеше үпкәне яһалма елләтеү аппаратына тоташтырылған. Бер тәүлек эсендә республикала 30 мең 368 кеше вакцина яһатҡан. Коллектив иммунитет булһын өсөн республикала 2 миллион ярым кеше прививка эшләтергә тейеш.