Уҙған тәүлектә Ковид-19 вирусы тағы ла 668 кешелә асыҡланған.
На этой странице есть скрипты, которые не могут быть загружены в AMP-режиме.
Перейти на сайтБөгөн стационарҙарҙа сиргә ҡаршы 982 кеше көрәшә, уларҙың 621-е 60 йәштән өлкәндәр. Ауыр хәлдәге 53 пациенттың етәүһе үпкәне яһалма елләтеү аппараты ярҙамында тын ала. Тағы ла 7 340 кеше амбулатор дауаланыу курсы үтә.
Тәүлек эсендә дауаханаларҙан 649 пациент һауығып сыҡҡан, яңы инфекциянан 36 кеше вафат булған. Дауахананан тыш пневмония менән тәүлек дауамында 188 кеше сирләгән, 227 пациент йүнәлгән.
Республикала халыҡты коронавирусҡа ҡаршы вакциналау дауам итә. Бөгөнгә вакцинаның ике компонентын да 1 314 585 кеше эшләтеп өлгөргән, был республикала йәшәгән халыҡтың 53 процентҡа яҡыны.
Мәғлүм булыуынса, коллектив иммунитетҡа ирешеү өсөн төбәк халҡының 80 процентына прививка яһау талап ителә. Республикаға ковидҡа ҡаршы 1 923 458 доза вакцина килтерелгән. Вакциналау кампанияһы башланғандан алып, медицина учреждениеларына прививка эшләтеү өсөн барлығы 1 604 828 кеше мөрәжәғәт иткән. Уларҙың 26 819-ы һуңғы тәүлектә вакцина ҡаҙатҡан.
Гөлдәриә Йосопова