Үткән тәүлектә 672 кешелә “ковид-19” инфекцияһы раҫланған. Сағыштырыу өсөн кисә 670 кешелә сир булыуы асыҡланғайны. Пандемия башланғандан алып, Башҡортостанда 85 мең 497 кешегә коронавирус диагнозы ҡуйылған. Бер тәүлек эсендә 33 үлем осрағы теркәлгән. Әле 7 мең 354 кеше өй шарттарында, 900-ҙән ашыу пациент стационарҙа дауалана. Табиптар әйтеүенсә, сирлеләрҙең күбеһе 60 йәштән өлкәндәр. Бер тәүлек эсендә 24 мең 306 кеше прививка эшләткән. Вакцинаның беренсе компоненты 1 миллион 656 мең самаһы кешегә эшләнгән. 1 миллион 336 меңе – иммунизацияны тулыһынса тамамлаған.