4-се тапҡыр ойошторолған сара хореография училищелары, колледждары уҡыусылары араһында классик һәм халыҡ бейеүҙәре буйынса һәләтлеләрҙе асыҡлаясаҡ. Сәнғәт ярышынан БЮТ каналы хәбәрсеһе Гүзәл Борханова репортажы.
На этой странице есть скрипты, которые не могут быть загружены в AMP-режиме.
Перейти на сайтКрасноярск ҡалаһынан Александра Козлова кесе төркөмдә сығыш яһаясаҡ. Ул «Армида павильоны» балетынан Армида вариацияһын башҡара. Икенсе сығышында Стравинский әҫәрен сәхнәләштерә. Александра халыҡ-ара кимәлдәге абруйлы конкурсҡа бик етди әҙерләнгән.
Даяна Ҡыҙырәлиева Бешкәк хореография училещеһының өсөнсө курс студенты. Тырыш, һәләтле ҡыҙ быға тиклем халыҡ-ара кимәлдәге дүрт конкурста ҡатнашып өлгөргән. Рудольф Нуриев исемендәге фестиваль-конкурсҡа үҙен тик яҡшы яҡтан ғына күрһәтеп, еңеү яулау маҡсатында килгән.
Халыҡ-ара фестиваль-конкурс өс көн буйына барып, ике этапта үтәсәк. Классик бейеү буйынса онлайн һайлап алыу турынан һуң икенсе, өсөнсө турҙарҙа дуэттар һәм соло сығыштар ҡаралған. Яңғыҙ бейеүҙәрҙең хронометражы өс минуттан артмаҫҡа тейеш. Сәхнә халыҡ бейеүҙәрен башҡарыусылар бөтә турҙарҙа ла Өфө хореография училищеһы сәхнәһендә сығыш яһаясаҡ.
39 конкурсанттың сығышын Сергей Усанов рәйеслегендәге абруйлы жюри баһаланы. Дүртенсе халыҡ -ара фестиваль -конкуста өлкәндәр төркөмөндә беренсе урын яулаусы 100 мең һум, ә бәләкәстәр төркөмө һәм сәхнә халыҡ бейеүе еңеүселәре 75 мең һум күләмендә премия менән бүләкләнәсәк.
Фестиваль-конкурста Франциянан Рудольф Нуриев исемендәге фонд илсеһе ҡатнашыуы ҙур мәртәбә өҫтәй.
Башҡорт балет сәнғәте традицияларын һаҡлаусы һәм үҫтереүсе фестиваль-конкурс йәштәр араһында башҡарыу маһирлығын үҫтереүгә, илдәр һәм ҡитғалар араһында тәжрибә уртаҡлашыуға, дуҫлыҡ ептәрен нығытыуға ла киң мөмкинлектәр аса.
Рудольф Нуриев исемендәге конкурс фестиваль быйыл халыҡ-ара кимәлдә үтә. Фестивалдең маҡсаты – 4 сит ил һәм Рәсәйҙең 9 төбәгенән конкурсанттар араһында яңы исемдәр асыу.
Гүзәл Борханова