“Инцидент-менеджмент” системаһы Салауат ҡалаһындағы йәйәүлеләр үткәүелен хәүефһеҙ итеүгә булышлыҡ иткән. Ҡалалағы Губкин һәм Калинин урамдары киҫелешендә светофорҙы “стоп-линия”ға яҡынайтып урынлаштырыу һәм өҫтәмә секция ҡуйыу һуҙылып килде. Системаға эләккәс проблема хәл ителгән. Светофорҙа ҡыҙыл һәм йәшел төҫтәр яныуын алдан иҫкәртеүсе таймер ҙа ҡуйылған. Хәҙер был киҫелеш йәйәүлеләр, бигерәк тә балалар өсөн хәүеф тыуҙырмай.