Баш ҡаланың эре сауҙа үҙәктәрендә мобиль вакцинациялау пункттары эшләй. Гипермаркеттарға аҙыҡ-түлек һатып алырға килеүселәр һәм ҡала халҡы уңайлыҡтары өсөн асылған мобиль вакцинациялау нөктәләре эшмәкәрлеген БЮТ каналының ижади төркөмө лә өйрәнде. Был хаҡта ентекләберәк хәбәрсе Гүзәл Борханова.
На этой странице есть скрипты, которые не могут быть загружены в AMP-режиме.
Перейти на сайтӨлкән йәштәге Игорь Айыуханов вакцинация үтергә иртәгә иртән тормош иптәше менән бергә килергә йыйына. Шуға күрә мобиль вакцинациялау пунктының иртән нисәлә эшләй башлауын белешергә килгән. Вакцинация үтеү КОВИД-19 сиренән ҡотолоуға һәм еңел үткәрергә берҙән-бер юл, тип иҫәпләй ул.
Радик Әбдрәшитов был гипермаркет эргәһендә генә эшләй. Сауҙа үҙәгендә мобиль пункт аслыуын ишетеү менән вакцина эшләтергә килгән.Тейешле ҡорамалдар менән йыһазландырылған мобиль пунктта халыҡты махсус инструктаж үткән табиптар хеҙмәтләндерә.
Тәжрибәле табиб-терапевтар бригадаһында Башҡорт дәүләт медицина университетының 6-сы курс студенты Артур Хәбиров та бар. Юғары белемле табиптарға ихтыяж көслө булыу сәбәпле, ул был пунктта ай буйына бушлай практика үтергә йәлеп ителгән.
43-сө поликлиникала бер стационар, ике мобиль вакцинациялау пункты асылған. Тәүгеһе поликлиникала алдан яҙылыу буйынса пациенттарҙы иртәнге сәғәт һигеҙҙән ҡабул итә. 15 октябрҙә «Карусель» гипермаркетында асылған мобиль пунктта 2 мең 500-ҙән ашыу кеше вакцинация үткән. Был мобиль пункттар пациенттар ағымын көйләргә булышлыҡ иткән, шуға күрә лә халыҡ ҙур сираттарҙа көтөп тормай.
Прививка эшләтеүселәр ярты сәғәт дауамында табип күҙәтеүендә ҡала. Мобиль вакцинациялау пункттары дүшәмбенән йомаға тиклем көдөҙгө икенән киске һигеҙгә, байрам көндәрен дә иҫәпкә алып шәмбе һәм йәкшәмбелә иртәнге ундан киске һигеҙгә тиклем мөрәжәғәт итеүселәрҙе көтөп ҡала.
Жуков урамы 27-се йорт адресы буйынса урынлашҡан был гипермаркетта мобиль вакцинациялау пункты 28 октябрҙән эшләй. Әлеге ваҡытҡа 500-ҙән ашыу кеше прививка эшләткән.43-сө поликлиниканан тағы ла бер вакцинация пункты «Карусель» гипермаркетында асылған. Табиптар халыҡты түләүле ял көндәрендә вакцинацияла әүҙемерәк ҡатнашырға саҡыра.
Гүзәл Борханова