Рәсәй Һаулыҡ һаҡлау министрлығы яңы коронавирус инфекцияһына ҡаршы вакциналау тураһындағы сертификат формаһын раҫланы. Был турала бойороҡ бөгөндән ғәмәлгә инә. Документта вакцина яһатҡан кешенең исем-шәрифе, тыуған көнө, енесе, йәшәү урыны һәм прививка эшләнгән көн яҙыла, QR-код өсөн урын да билдәләнә. Сертификат электрон формала төҙөлә, уны ҡағыҙға ла сығарып була. Алдан алынған сертификаттар дәүләт хеҙмәте порталында 1 мартҡаса үҙгәртеп бирелә.