«Һәр кемгә футбол» пилот проекты ил буйынса таратыласаҡ

Бәләкәйҙән спортҡа. Башҡортостандың футбол федерацияһы «Һәр кемгә футбол» пилот проектын ил буйынса таратырға ниәтләй. Әлегә был спорт төрө буйынса дәрестәрҙе мәктәпкәсә учреждениелар программаһына индереү мәсьәләһе федераль кимәлдә ҡарала.

На этой странице есть скрипты, которые не могут быть загружены в AMP-режиме.

Перейти на сайт

Проект сиктәрендә өс йыл элек Өфөләге 61-сы балалар баҡсаһында кескәйҙәр өсөн күнекмәләр ойошторола башлағайны. Өҫтәмә дәрестәргә өс йәштән өлкәнерәк малай-ҡыҙҙар йөрөй. Тренерҙар билдәләүенсә, балалар баҡсаһынан уҡ футболға ҡыҙыҡһыныу уятыу буласаҡ чемпиондар әҙерләүгә ышанысты арттыра.

Физик күнекмәләр яһау үҙенә күрә дисциплина талап итә. Балаларҙы етеҙлеккә, һығылмалылыҡҡа өйрәтәбеҙ. Ете йәшкә тиклем улар уйын талаптары менән танышып, тренерҙың кем булыуын, уны тыңларға кәрәклеген аңлаясаҡ. Иң мөһиме – команданың башҡа уйынсылары менән берҙәмлеккә ынтылыу.

Артем Башлыков, тренер

Гөлназ Хәйбуллина