Бөгөн Башҡортостан Башлығы коронавирус таралыуын сикләү буйынса оператив штаб ултырышын үткәрҙе. Республикала 2 миллиондан ашыу прививканың беренсе компонентын эшләткән. Пландың 80 проценты үтәлде. Әммә коллектив иммунитет булһын өсөн тағы 500 меңгә яҡын кеше вакцина яһатырға тейеш. Прививка эшләтеүселәр күбәйеүе үлем осраҡтарының кәмеүенә килтерә. Дауаханала ковид сирлеләр өсөн иҫәпләнгән 8 мең урындан 3 меңе генә ҡалған, тип яҙа социаль селтәрҙәрҙә Радий Хәбиров.