Йылайыр районы Сәләх ауылы республикала иғлан ителгән конкурста ҡатнаша. Уның сиктәрендә, сәләмәт тормош яҡлы сәләхтәр Баймаҡ районы Аҡморон ауылындағы ҡарттар йортонда булды.
На этой странице есть скрипты, которые не могут быть загружены в AMP-режиме.
Перейти на сайтҺаулыҡ һаҡлауға, насар ғәҙәттәрҙән арындырыуға һәм сәләмәтлеккә йүнәлтелгән “Айыҡ ауыл” конкурсында сәләхтәр икенсе йыл рәттән ҡатнаша. Иҫке Яңы йыл байрамында улар иғтибарға һәм аралашыуға мохтаж булған ололар менән осрашты. Дәртле йыр-моң, бейеүҙәр ҡарттар йортонда тәрбиәләнеүселәрҙең күңелдәрен күтәрҙе.
Айыҡ ауыл конкурсы ауыл халҡын берләштереүҙә, уларҙың сәләмәтлеген нығытыуҙа, ауылды төҙөкләндерәүҙә ҙур роль уйнай. Ҡырҡ йорттан торған бәләкәй генә Сәләх ауылы халҡы ла уҙған йылда иманлы кешеләрҙең артыуын теләп, урындағыларҙы рухи сафлыҡҡа өндәп, үҙ көсө менән мәсет төҙөп инеүгә өлгәшә.
Айыҡ ауыл ярышта ҡатнашыусыларҙы йолаларҙы тергеҙеүгә,үҙенсәлекле саралар уҙғарыуға, мәрхәмәтлеккә лә юл һала. Йылайыр районы Сәләх ауылы халҡы ла социаль приюттарға йөрөүҙе традицияға индерергә ниәтләй.
Әлфиә Хәмитова