Экология һәм тәбиғәттән файҙаланыу министрлығы хеҙмәткәрҙәре йыртҡыс хайуанды Рязань урамындағы «Башкирэнерго» подстанцияһында тотҡан. Предприятие хеҙмәткәрҙәре уның эҙҙәрен декабрь аҙағында уҡ абайлаған булған.
На этой странице есть скрипты, которые не могут быть загружены в AMP-режиме.
Перейти на сайтҺуңынан камераға төшөрөлгән яҙма буйынса һеләүһендең биләмә буйлап төнгө сәғәттәрҙә йөрөүе асыҡланған. Белгестәр хәүефле йәнлекте аулау өсөн уның яратҡан маршруттарының береһенә ҡапҡан урынлаштырған.
Бесәйҙәр ғаиләһенә ҡараған йәнлеккә бер йәш самаһы. Ветеринарҙар тикшереүе уның ғүмеренә бер ниндәй ҙә ҡурҡыныс янамауын күрһәткән. Шуға ла белгестәр йыртҡысты һеләүһендәр күпләп төйәк иткән Благовещен районы урманына ебәрергә ҡарар иткән. Хайуандың баш ҡалаға нисек килеп эләгеүе әлегә билдәһеҙ.