Башҡортостанда буран эҙемтәләренә ҡаршы көрәш дауам итә

Ҡалтасы районындағы юлдар ҙа ҡар ҡамауында ҡалғайны. Төбәктәге юлдарҙы таҙартыу менән «Стройтехсервис» ойошмаһы шөғөлләнә. Тәүлек әйләнәһенә предприятие транспорттары 56 ауылды, йәғни 348 саҡрымдан ашыу арауыҡтан ҡар түгә.

На этой странице есть скрипты, которые не могут быть загружены в AMP-режиме.

Перейти на сайт

Тәү сиратта туҡталыш, мәктәп һәм фельдшер-акушерлыҡ пункттары эргәләре таҙартыла. Кесе Ҡураз ауылында йәшәүселәр үҙҙәре лә ҡулдарына көрәк алып өмә ойошторған. Райондың Ҡыҙыл Холм ауылында ла тротуарҙар, урындағы парк ҡыйыҡ башынан төшкән ҡарҙан таҙартылды.

Яңы йылдың беренсе көнөндә үк таңғы 4-тә эшкә сыҡтыҡ. Мин тиҫтәгә яҡын ауылды урап, юлдарҙы ҡарҙан таҙартам. Халыҡ та рәхмәтле.

Валерий Әптиев, тракторсы

Килешеүгә ярашлы, беҙҙең ойошма 9 ауыл биләмәһендәге юлдарҙы ҡарҙан таҙарта. Тиҫтәгә яҡын техника таңғы 4-5-тә үк эшкә сыға. Буран ваҡытында улар үҙҙәре яуаплы урындан тәүлегенә ике тапҡыр үтә.

Фәнис Ғәйнуллин, «Стройтехсервис» ойошмаһы директоры